السلام عليكم ورحمة الله وبركاته
إهداء للأخ النقيب فهد بن حمود العضياني
ياشعر ياللي ما ذخرتك على شان=تقصر عن رجال الشرف والشهامة
ابيك تسندها للأجواد والآن= برقيةٍ من صوب قصر اليمامة
تلفي على الهيلا هل الطيب والشان= كبار الفعول جبال نجد وتهامه
انصى فهد وان كان دورت مزبان = هامة فخر ويسد عن ألف هامة
رجل الكرم راع الجزايل والإحسان= مخبور من دور السطر والجهامة
سليل مجد وشيخ من روس عربان=عليه من عمهوج شالح علامة
أبلج مثل صبح ٍ تباشر بالأغصان= سيف ٍومن شافه تراعد عظامه
جيته من أقصى الشعر وبحبك الأوزان= أثني على الطيّب وأبيّن مقامه
خلايف العتبان من روس عتبان = شيخٍ ولد شيخٍ مجرد حسامه
يوم انها رمحٍ وخيلٍ وميدان = ليل الردي يبطي عليه بظلامه
والهقوة اللي دوم ترجح بميزان= ولد الطنايا شد فيها حزامه
تلقى فهد مابين روضٍ وريضان= إمتكيٍ للطيب بأعلى سنامه
كنه يقول الشمري وين ماكان= تجيه فزعتنا ويلقى السلامة
إبراهيم بن حسّـان الشمري
الإهداءات
اهداء للأخ فهد حمود العضياني 
