ابيات مختاره لكم من قلمي....؟

02-22-2012, 06:20 PM

السلام عليكم ورحمة المولى وبركاته

اسعد الله مسائكم .....صباحكم

بالخير والمسرات

في هذا الموضوع اختار لكم عدة ابيات من كلماتي اتمنى ان تنال استحسانكم ورضاكم

(توته وتفاحه)

هرجك عسل والخليه............. فمــــك
وعيـــونك الســـود........................ذبــاحه
ورموشها لابغت...............تزهـــمــك
غــطــت على الجــفــن.............بــــوشـــاحه
ويديك لاقــامت...............تلــقــمــــك
فـركت راحــــــــــه على............راحــــــــــه
وجـديـلـك اليا انتثر........ظــلـــمــــك
ووجهــك ليــا بان...............مصــــبــاحـــه
سـبـحان من بالدلــع.......كــرمـــــك
واعـــــطــــاك تــــــوتــــه............وتفـاحـه
وشــعـور سلـطان لا........كـــلــمك
اشــعــور طفــلٍ ..................بـمرجـــاحه
قـدام تـرحل ابا.............اعــلـمك
الــطــيـر لا تــكــسـر.............جـــنــاحـــه

(في هالزمن)

في هالزمن كثرة كبار الاسامي
من غير حق ولا ورى الحق طلاب

الي منول يحتمون الجهامي
بألي مثل شلفا ولد غانم ذياب

تمر اساميهم مرور الكرامي
لو انهم وافين عكفان الاشناب

واللاش صار اليوم حرٍ قطامي
وابوه وجدوده لبو خد ركاب

وياوقت مني لو لحقك الملامي
فالحق واضح دام للنار شباب

ومادام صيتي فاللوازم حزامي
فأنا بعديبه على راس مرقاب

واقول والله ماتغير مرامي
والعز مثل البيت والعزم الاطناب

والمشيخه صارت هروج وكلامي
مع من يحسبون المراجل بلألقاب

قد قالها قبلي رشيد الزلامي
الروس عافوها وطمعوها الاذناب

(ياعبيطه)

الجرح يابنت انفتق كيف اخيطه
قالت وانا مالي ومال الخياطه
الزين عندي من ثراه ال محيطه
لو العتيبي طاش واكثر هياطه
قلت اسمعي يافاتنه ياعبيطه
ماتعرفين اني مااحب العباطه
الزين لو تشهد عليه البسيطه
فأنتي كسبتي وبجداره نقاطه
والي بخميس مشيط يمدح مشيطه
والي سكن بالغاط معجبه غاطه
والسالفه يانور عيني بسييييطه
واجمل ترى مافالحياه البساطه

(مراسيم الوداع)

توكل والوداع اول مراسيمه بغلطاتك
ولاهوب لازم اوضح لك اكثر وانت متناسي

تلافحني هبوب الحزن من صوتك ونظراتك
وانا مثل الجبل يبقى ولو طال الزمن راسي

يميزني شموخي وانت خلك في متاهاتك
وانا طبعي كذا فالوقت لا لين ولا قاااااسي

واذا قصدك تبي تجرح شعوري من حراكاتك
ورب البيت ماهزيت شعره من شعر راسي

(بعض العرب)

بعض العرب يسوى قبيله لحاله
تعجبك وقفاته ويعجبك طيبه
وبعض العرب مثل الرشا فالمحاله
هرجه تقفيبه وهرجه تجيبه

تقبلوا خالص تحياتي ::

اخوكم،،،سلطان بن بشيـّر

02-22-2012, 10:28 PM

صح السانك اخي سلطان ولاهنت

تقبل مروري البسيط

02-22-2012, 11:06 PM

صح السانك اخي سلطان ولاهنت

02-23-2012, 12:59 AM

الله الله
وش انتقي ووش أخلي
منوعات شعريه مثقله بالجمال
والله إني أتنومس بشعرك ياسلطان وهذا رأيي أقوله بكل صدق
كل التحاياا
لروحكـ وقلبكـ وعقلك .
شكلي ماراح انزل بعد هالطرح أي طرح

02-23-2012, 03:36 PM

الاخوه كلا من ::::

ابو بتال ::صح بدنك ولاهنت والله يبيض وجهك

عيون المها:::صح بدنك والله لايهينك تشرفت بمرورك

النادر::ياهلا وغلا يابن ثعلي نورت الصفحه وهذا والله من ذوقك يالغالي اثلجت صدري للامانه

ويقول الشاعر خلف المشعان العنزي

رجل تعزه بعد ماتلتقي فيه ****ورجلن قبل ماتلتقيبه تعزه

وانت من الرجال الي اغليناهم وحنا ماشفناهم

لك مودتي يالغالي

02-24-2012, 11:06 PM

اشهد بالله انك صادق بالصميم,,

بعض العرب يسوى قبيله لحاله
تعجبك وقفاته ويعجبك طيبه
وبعض العرب مثل الرشا فالمحاله
هرجه تقفيبه وهرجه تجيبه

صح لسانك على تلك الروائع وبنتظار جديدك.

02-24-2012, 11:35 PM

الي منول يحتمون الجهامي
بألي مثل شلفا ولد غانم ذياب

تمر اساميهم مرور الكرامي
لو انهم وافين عكفان الاشناب

واللاش صار اليوم حرٍ قطامي
وابوه وجدوده لبو خد ركاب

لله درك يا سلطان

صح لسانك وابيض وجه

كلها درر ولكن هالابيات اللي اخترتها

يعاني منها هالمجتمع

02-25-2012, 10:55 AM

مبدع ياسلطان لاعدمناك صح لسانك

02-25-2012, 03:17 PM

صح لسانك ومبدع جدا جدا

02-25-2012, 03:19 PM

صـــــــــحـة ابــدانكم جميعا

ولاهنتم

التميز خلال 24 ساعة
العضو المميز	الموضوع المميز	المشرف المميز	المشرفة المتميزة
	غَلآكْ مَآخلى لغِيرك مجَآل بقلم : احاسيس ملونه	قريبا	قريبا

ابيات مختاره لكم من قلمي....؟

«۩۞۩ قــصائد وداوين الأعضــاء۩۞۩»

دعم فني
استضافة توب لاين

أدوات الموضوع
مشاهدة صفحة طباعة الموضوع أرسل هذا الموضوع إلى صديق

الإهداءات

ابيات مختاره لكم من قلمي....؟

«۩۞۩ قــصائد وداوين الأعضــاء۩۞۩»

دعم فنياستضافة توب لاين

دعم فني
استضافة توب لاين